ANTES DE NÓS
ANTES DE NÓS
Unha parella, dous momentos. Un baile continuo de separación e reencontro. Dúas historias entretecidas. 1918, Castelao deixa a súa praza de funcionario en Pontevedra para traballar como médico en Rianxo durante a gripe española. Un heroe para o pobo, pero un home ausente para a súa muller, Virxinia. 1929, o matrimonio percorre Bretaña poucos meses despois da perda do seu único fillo. Unha viaxe que os vai unir para sempre. Castelao antes de ser Castelao. Galicia antes da “xeración Nós”. Castelao e Virxinia antes de seren “nós”.
FILMEI PAXAROS VOANDO
FILMEI PAXAROS VOANDO
Despois de 20 anos vivindo en Barcelona, Zeltia volta a Galicia para filmar a memoria do seu admirado tío Antonio, un artesán textil galeguista gai que viviu intensamente nos anos 80. Este retorno provoca o reencontro coa súa nai Socorro, unha muller moi conservadora á que Zeltia rexeitaba. O repentino empeoramento na saúde de Socorro cambia a mirada de Zeltia, que comeza un camiño de volta a casa complexo, pero tamén cheo de amor, coidados e sanación.
AS NEVES
AS NEVES
As Neves é unha pequena vila de montaña onde todos se coñecen. A noite de Entroido un grupo de adolescentes celebran unha festa e se drogan con cogumelos por primeira vez. Ao día seguinte espertan cun temporal de neve a a nova de que Paula, unha das rapazas da festa, desapareceu. Mentras, a vila queda incomunicada e cae Internet. Cada vez é mais urxente atopala. Iníciase unha investigación que causará un profundo cambio nas súas vidas e na súa relación co mundo.
Disfruta con nos do mellor cine
comedia, drama, documental... a máxima do cinema baixo as estrelas
