P3K: PINOCHO 3000
DIRECCIÓN:
Daniel Robichaud
GUIÓN:
Claude Scasso
IDIOMA:
Galego
DURACIÓN:
80′
ORIXE:
Canadá, Galicia e Francia
ANO:
2004
XÉNERO:
Animación – Ciencia Ficción – Infantil
IDADE:
Para todos os públicos
SINOPSE:
Ano 3000. Gepetto é un xenial inventor da cidade de Scamboville que crea a Pinocho: un pequeno robot coa personalidade dun neno de carne e óso. Pinocho (alegre, imaxinativo, curioso, pero tamén testarudo e inocente) está disposto a calquera cousa para conseguir o seu soño: converterse nun neno de verdade. O pequeno robot é para o vello e entrañable Gepetto moito máis que unha criatura creada por el: é case o fillo que nunca tivo. Pinocho non deixa de sorprender polas súas incribles habilidades e pola súa incansable curiosidade ante todo o que o rodea.
Gepetto non comprende por que o malvado alcalde Scamboli está tan celoso del, cando ten unha filla marabillosa. Pero o nobre Gepetto non comparte ese sentimento de odio, máis ben se compadece do alcalde, o que, evidentemente, fai enfurecer máis aínda a Scamboli.
Spencer, un pingüín convertido en ciborg como resultado dun experimento errado de Scamboli, vive tranquilo como man dereita de Gepetto. Aínda que non comparta as inquietudes innatas de Pinocho, Spencer adoita acompañalo nas súas aventuras, ofrecéndolle a súa peculiar e divertida interpretación da vida.
Á súa vez, Cyberina é un ser máxico no medio dun mundo de fría tecnoloxía, unha fada boa chea de vida que sae da nada para sacar a Pinocho de apuros e guialo no seu intento de converterse en humano.
RECOÑECEMENTOS:
Premios GOYA: premio a Mellor Película de Animación